الحيمر: ''فاش ولا التيران زربية فتقدنا مستوى الديربي والرجاء مبقاش فيها ''الأديين''

أكد رضوان الحيمر اللاعب السابق لفريق الرجاء الرياضي لكرة القدم، أن مباريات الديربي، بين فريقا الرجاء والوداد الرياضيين، لا تقبل التوقعات ولا تخضع للمنطق، لكونها تتميز بطقوس خاصة.

وقال الحيمر في تصريح خص به برنامج ‘'الشوط الثالث''، على إذاعة ‘'ام اف ام'': ‘'فالديربي يقدر يكون فريق منتشي بمجموعة من الإنتصارات وينهزم أمام فريق في وضعية صعبة''.

وأوضح المتحدث ذاته، أن هذه المواجهة افتقدت مستواها المعتاد، بقوله: ‘'النيفو هو فين بقات، من شحال هادي وحنا كنقلبو عليه، بالرغم من تحسن وضعية الملاعب لي ولات أرضيتها ‘'زربية''.

وزاد يقول: ‘' في بعض الأحيان كيجيوك اللاعبين حتا الديربي وكيفقدو المستوى لي كانو عليه فالمباريات السابقة''، مشدددا ب: ‘'هادي هي نهار بغيتك أ وجهي تقمشتي، دابا حتا ضغط الجمهور ماكينش يعني خاص يكون هاد الديربي فمستوى كبير''.

واعتبر الحيمر أن فريقه السابق الرجاء، فقد هويته السابقة الممثلة في ‘'التيكيتاكا''، والتي ميزته منذ البداية عن باقي الأندية الأخرى، بقوله: ‘' الرجاء واخا تربح، الجمهور مغاديش يرضى إلا مكانش الأداء، حيث فنظرهم هاديك 11، لي غادي دخل أساسية، خاص تكون فيها على الأقل واحد % 70 ديال ‘' الأديين'' لي كتميز الرجاء''.

وأضاف في ذات الصدد: ‘'مبقيناش كنشوفو الكرة كتخرج بسلاسة، ولينا كنتفرجو فقط فالكرات الطويلة من الدفاع، هادي تقنية كان كيمتاز بها فقط بدر بانون فالسنوات الأخيرة''.

وأنهى المتحدث ذاته تصريحه ب: ‘'في ظل التركيبة التي يتوفر عليها الآن الرجاء والوداد، فهما الأكثر ترشحا للفور بالبطولة وكأس العرش، وكذا الوصول إلى أبعد نقطة في دوري الأبطال وكأس الكونفدرالية''.