الركراكي :"إغمان لاعب شاب وفي تطور مستمر ولا زال أمامه مستقبل قوي"

أكد وليد الركراكي مدرب المنتخب الوطني المغربي لكرة القدم، على أنه تابع لاعب الجيش الملكي حمزة إغمان خلال العديد من المباريات، وذلك خلال الندوة الصحفية التي عقدها صباح يومه الإثنين.

وكشف موقفه من المناداة على اللاعب إغمان، قائلا:" حمزة انا تفرجت فيه كيلعب مزيان مع الجيش الملكي، وغادي في تطور مستمر، وعنده الفرصة دياله مع المنتخب ديال أقل من 23 سنة ومازال الخير القدام".

وقال الركراكي بخصوص عدم استدعاء إغمان :"عندي لائحة محددة باش نلعب قدام فرق اللي كبيرة بزااف بحال البرازيل والبيرو، حاولت نحافظ على المجموعة ديالي، ونزيد لاعبين تألقوا بشكل كبير فالدوري ديالهم".

وأضاف الركراكي في تصريحاته، قائلا :"إغمان غادي مزيان مع الجيش، وماشي حيت ماركا جوج مباريات غادي نعيط له، راه مازال الخدمة قدامه، ومازال عنده مستقبل زوين فالمنافسات القادمة".

وفي الأخير قال الركراكي:"إغمان عنده قدرات زوينة يخدم عليها، ويكمل بنفس المستوى ونفس الطريقة، وغادي يكون مزيان ويمشي خطوة بخطوة كولشي ممكن فالطريق دياله".