الركراكي يكشف عن بديل جبران في نهائي كأس العرش

تحدث وليد الركراكي مدرب الوداد الرياضي في تصريحات إعلامية عن مباراة فريقه ضد نادي نهضة بركان برسم نهائى كأس العرش، حيث قال: "إلا دخلنا وحنا ثايقين باللي غانربحوا وغاندخلو للتاريخ بتحقيق ثلاثية غانكونو غالطين، حيت حتى بركان عندها فرقة مزيانة وحتى هي باغة تربح 2 ألقاب وتدخل التاريخ".

وأضاف: "الماتش ماغايكونش ساهل، كنحتارمو نهضة بركان، لعبنا ضدهم 2 مرات في البطولة، والماتشات بجوج ماكانوش ساهلين"، ثم أردف: "عندنا الثقة في الدراري، كيحترمو أي فرقة بحال كيف ما دارو مع الفتح والرجا المحمدية".

وعلق الركراكي عن غياب يحيى جبران قائلا: "ماخاصناش نفكرو في غياب جبران، حنا عندنا مجموعة، وكنآمنو بيها، ومن الأول ديال العام قلنا حنا عائلة، واللي دخل حنا عندنا الثقة فيه، كيف ما شفتو داري ماكانش في نصف النهائي ودزنا، و مبينزا ماكانش في الربع ودزنا".

واختتم: "جبران هو السبع ديالنا، ولكن مامزيانش ندخلو الماتش وحنا كنفكرو باللي الغياب ديالو غايأثر علينا، وعندنا الداودي اللي غايدخل، وحتى هو لعاب كبير".