فاخر يكشف كواليس إضرابات لاعبي شباب المحمدية

تحدث امحمد فاخر في تصريحات لبرنامج "من الملاعب الرياضية" الذي يبث على "إذاعة إم إف إم" عن تجربته مع فريق شباب المحمدية، بعد انتهاء عقده مع النادي بنهاية الموسم المنصرم.

وقال فاخر: "في الموسم الأول ديالي مع شباب المحمدية، جيت قبل 9 مباريات من نهاية الموسم، وحسمنا البقاء قبل 2 مباريات من الختام دياله".

وأضاف: "في الموسم الثاني، كنا كنطمحو في البداية باش نتنافسو مع الجيش الملكي والمغرب الفاسي على المركز الثالث، لكن اللعابة فقدو الرغبة والأجواء ولات مكهربة داخل النادي، بسبب مشاكل مالية، وكاين اللعابة اللي ماتخلصوش في منحة التوقيع ديالهم ديال الموسم اللي قبل".

وأردف: "وليت كنجي للتيران، كنجلس نتسنى اللعابة باش يخرجو من مستودع الملابس، حيت دايرين إضراب، اللعابة مابقاوش كيبغيو يتدربو ويدخلو للتيران، وإلا دخلو للتيران، كيكونو حاضرين غير بالأجسام، أما العقول ماكايناش، وليت كنقول لهم: "واش جايين تتدربو ولا جايبن تعزيو؟".

واختتم: "الرئيس آيت منا كان داير عمل كبير، ولكن يد وحدة ماكتصفقش، إلا بغاو ينقذو شباب المحمدية، خاص المدينة تتحرك".