الركراكي: باتنا حطيتو فاللائحة الأولية ونايل هو اللي فضل يبقا مع فرقتو

وضح وليد الركراكي مدرب المنتخب المغربي لكرة القدم، خلال الندوة الصحفية التي تسبق مباراة الأسود وموريتانيا، غياب اللاعبين مراد باتنا ونايل العيناوي.

وصرح الركراكي: "باتنا مانظنش كاين اللي تايعرفو قدي، دربتو 3 مواسم مع الفتح، عندو مستوى مزيان، ولكن العمر والتذبذب في المستوى مخلاهش معانا دابا".

كما قال الركراكي: "باتنا حطيتو فاللائحة الأولية، ولكن كيف كانشوفو كاينين شباب بزاف وتنافسية كبيرة فالمنتخب، خاصني نجرب لعابة جداد باش نختار الأفضل فيهم."

كما ذكر الركراكي: "نايل العيناوي ماكانكرش أنه لعاب كبير، ومستوى مزيان، الغياب ديالو ماشي غلطة منا خاصكم تسولوه هو."

ليوضح الركراكي غيابه عن المنتخب المغربي قائلا: "العيناوي مزال صغير وباغي يلقا بلاصتو، فضل يبقا ويلعب مع فرقتو، وطلب وقت أكثر، ماشي حنا اللي بعدناه."